ثقافة سوسن معالج: لماذا كل هذا التحامل على أولياء الأطفال الذين كانوا في زيارة الى عين دراهم؟
علقت الممثلة سوسن معالج على بعض الآراء التي لامت على الأولياء السماح لأبنائهم بالذهاب الى مدينة عين دراهم قائلة: "لماذا كل هذا التحامل على الناس إلي مشات لعين دراهم والأولياء إلي بعثو صغارهم للرحلة ؟؟ في عوض تسبوهم، شنوة تقترحو عليهم في الأثناء؟ رحلة لسويسرا ولا جبال الآلب ؟ نشوف في ملاحظات وتعليقات من ناس مسميين أساتذة و مثقفين وواعيين زعمة، ويسبو في المواطنين قال شنوة الثلج موش عجب!!! لا يالا ! عندك انت موش عجب خاطر حليت عينيك فيه! أما بالنسبة للصغير الي عايش في السباسب السفلى فهو عجب عجاب!! كيما الصحراء عجب عجاب للصغير الي حياتو عايش ع البحر ! و موش للصغار كهو ، عمري 40 سنة ، انتمي لمنطقة ساحلية و كل عام الوقيت هذا تلقاني نغزل خاطر لا عندي امكانيات باش نهز صغاري يعملو سكي و يشوفو الثلج في أوروبا و لا عندي 4×4 باش نمشي بيها لعين دراهم!"